من ديوان غزل العشاق بعد منتصف الليل
محمد رحيمة الطائي.....
هذا الديوان هو عباراة عن محاورة دراميه غزلية بين حبيبين في الشعر الشعبي العراقي و هي تعتبر الاولى من نوعها في العراق..
اخترت هذه القصيدة...
( املك الديوان كاملا)......................
العين شافتهي /انه و كلبي اسأل و السؤال يطول و ما اعرف عليمن ابدي موضوعي
و أون الليل كله و احترك بالنار و احس النار كوّه اتجفف ادموعي
عفتني بديره وحدي و رحت انت بعيد و ذابن من غيابك صدك شموعي
يالبيك الكلب علمته من يهيد الجمه بجرح حتى يفزز اضلوعي
و لا تسأل عليه و لا جذب حنيت...
ليش...؟ نسيت...؟
رجع و لو كلبي و روح وين تروح..
ما اعتب عليك انه اخطأت...و حجيت..
هو/من احجي ازعّل..و الصراحة تريد...و منين ابدي انه وياج سالفتي...اذا وي العشك معركت فضّت يوم..اظن وي الوكت ما تفض معركتي..شعلتي النار بيه و جن ولا تدرين..جذبتي عليه هواي جذبتيهي/اجذّب؟..!!!
هو/اي نعم...بس ما كلتلج يوم..اعالج قهر كلبي بحسرتي و صمتي..بجيتي و صدكت لان كلبي طيب دوم... صدك بيج لمن عالهوى احلفتي..وشحجي وياج...؟ هو شضل بعد و احجي و احاف اعليه...هو انه ويه روحي و ما كعد بختيهي/لا...احجي البكلبك..بيّن المضموم..بعد عندك حجي التحتاجه ذاكرتي..
هو/كلتلج انه ازعّل مو حجي الينكال !..
هي/اي ...احجيلي بلله...نشوف
هو/ها شفتي؟.. بعد ما كلت كلشي امبين زعلتي..
هي/لا احجي العليه و سولف شمتريد..من عندك اريد انه افتهم قصتي..
هو/تفتهمين؟.. عود انتي بحياتج كلشي معرفتي؟..حجولي اهوي لكن جذبت من كال..بس العين شافت هاي مشكلتيشفتج ويه غيري و بضحكه تتشاقين...هم جذبي عليه و كولي ابن عمتي؟..ولج شحجي و شسولف و الكلب شيصير...مو بيج امنت..شو بالعجل خنتييا فشلة اكليبي الصّدك بممشاج و اختارج حبيبة عمرة بس انتي..هي/لا ارجوم..افهم حبي الك......
هو/....... لا...لا هم كبل كلتي...اخيراَ هذا حدي..و نفترك منا.. ردتها وياج عدلة..و انتي ما ردتي.. 
موضوع: قصيدة ( العين شافت)....غزل العشاق بعد منتصف الليل 
03.10.07 9:22
